Aleanca për Mbrojtjen e Teatrit dhe opozita zhvilluan protestën e 30 përpara bashkisë së Tiranës duke kërkuar dorëheqjen e Erion Veliajt.
Anëtarët e opozitës në Këshillin Bashkiak me disa prej figurave drejtuese të PD akuzuan kryebashkiakun Veliaj si përgjegjës për inceneratorin e Tiranës dhe dosjen e njohur me emrin 5D.
Sipas demokratëve Erion Veliaj duhet të përgjigjej para drejtësisë për këto dy çështje, por SPAK po e amniston atë.
Protesta e opozitës zgjati rreth 1 orë dhe nuk pati incidente. Partia Demokratike nisi protestat para bashkisë së Tiranës në muajin mars kur SPAK-u arrestoi disa prej drejtorëve të këtij institucioni.
Ata dyshohet se kishin krijuar një kompani dhe merrnin tendera nga Ujësjellësi i Tiranës dhe bashkia./vizionplus.tv
