Pas testimit para makinës të së vërtetës, 8 kandidatët për kreun e byrosë kombëtare të hetimit do t’i nënshtrohen intervistimit pranë ambienteve të prokurorisë së posaçme kundër korrupsionit dhe krimit të organizuar.
Kete te merkure u intervistuan Aida Veizaj, Ardian Çipa, Artur Beu dhe Ervin Hodaj. Ndërkohë nesër do të vijojnë Gentjan Shehaj, Lindita Nushi, Idajet Faskaj dhe Ylli Pjetërnikaj.
Intervistimi u zhvillua nga tre anëtarët e komisionit Arben Kraja, Ened Nakuçi dhe Behar Dibra.
Pyetjet u fokusuan tek njohuritë për ndryshimet kushtetuese, ligjet e reformës, vizioni për drejtimin e BKH si dhe menaxhimi i çështjeve të mbartura .
Më herët kandidatët për BKH-në kanë kaluar testimet me shkrim, ato fizike, si dhe testet e makinës së të vërtetës. Ngritja e BKH-së është monitoruar vazhdimisht edhe nga ambasada amerikane në tiranë.