Struktura e Posaçme Antikorrupsion ka vendosur të hetojë 10 gjyqtarë të shkarkuar nga Komisioni i Pavarur i Kualifikimit.
Duke marrë shkas nga dosjet e shkarkimit të tyre nga KPK, Prokuroria e Posaçme Antikorrupsion do t’i hetojë subjektet për pasuritë e padeklaruara. Sipas njoftimit të SPAK, do të hetohen ish-gjyqtarë të Gjykatës së Lartë, të Gjykatës Kushtetuese.
Kallëzim penal për ta ka bërë avokati Fran Dashi. Ky i fundit ka kallëzuar edhe 10 prokurorë, po ashtu të shkarkuar nga detyra.
Por për ta SPAK do t’ia dërgojë materialin kallëzues për vlerësim prokurorive kompetente, përkatësisht Prokurorive Durrës, Tiranë e Elbasan.
