Ahmetaj nën akuzë për inceneratorin, SPAK e merr të pandehur për djegësin e Elbasanit

Arben Ahmetaj merret i pandehur për inceneratorin e Elbasanit.

Për ish-zëvendëskryeministrin në arrati prej dy vitesh, hetimet e SPAK u mbyllën duke u finalizuar me tri akuza, “ korrupsion pasiv”, “pastrim parash” dhe “fshehje dhe mos deklarim pasurie”.

Prokuroria i njoftoi akuzat edhe shtatë personave të tjerëve. Mes tyre bën pjesë bashkëshortja Erjola Hoxha dhe ish-bashkëshortja e Ahmetajt, Albina Mançka.

Të dyja u vunë në bankën e të akuzuarit për pastrim parash dhe mosdeklarim të tyre.

Dosja kryesore nga rrjedhoi hetimi për Arben Ahmetajn ishte inceneratori i Elbasanit. Hetimi provoi se mes ish-numrit dy të qeverisë dhe pronarët e inceneratorëve, Mirel Mërtiri dhe Klodian Zoto ka patur marrëdhënie korruptive.

Ish-zv.kryeministri i vendit, Arben Ahmetaj është shpallur në kërkim ndërkombëtar, ndërsa ai ka kërkuar azil politik në Zvicër.

Aktualisht Ahmetaj po gjykohet për “shpërdorim detyre” për dosjen Buka.