Kryetari i Partisë së Lirisë, Ilir Meta sulmoi ashpër prokurorët e SPAK, duke i akuzuar se gjatë punës së tyre, janë ndikuar politikisht për të shpëtuar nga drejtësia kryeministrin Edi Rama dhe kryebashkiakun Erion Veliaj.
“Kur të më ftojnë, do u bëjë dhe ca pyetje serioze prokurorëve. Sepse kanë kërkuar dhe një mandat tjetër 9-vjeçar se janë lodhur shumë këta. Janë lodhur shumë këta duke gjetur ato 60 milionë eutrot që u ka treguar Arben Ahmetaj se ku janë por nuk i gjejnë dot se nuk i lënë favoret që kanë marrë nga Erion Veliaj. U lodhën shumë duke arrestuar drejtorët për të shpëtuar Erion Veliajn, u lodhën shumë duke arrestuar ministrat për të mbrojtur Edi Ramën, u lodhën shumë duke hetuar PPP që ato të vazhdojnë të dëmtojnë interesat e qytetarëve”, tha Meta.
Lexo edhe :
Related Posts
Për hetimin pasuror të nisur nga SPAK për bashkëshorten e tij dhe marrjen në pyetje të nënës së Monika Kryemadhit, Ilir Meta u shfaq i pashqetësuar para kamerave, duke akuzuar se diçka e tillë është e orkestruar politikisht.
“Kjo nuk përbën asnjë interes për mua. Ajo është një zonjë e mrekullueshme. Gjithçka tjetër është politike, asgjë tjetër. Unë nuk kam informacion. Asnjë shqetësim, se nuk e di a ka fol vetë Fatimja, se unë kam punë më të rëndësishme, nuk I kam parë lajmet. Zonja Monika përgjigjet vet, unë përgjigjem vet. Një gjë duhet ta di, SPAK-u se nuk do I them tarallaku, PL nuk sekuestrohet. Mund të sekuestrohet SPAK përpara, po PL nuk sekuestrohet. Le të hetojnë kallëzimet që kemi bërë, përndryshe pasojat ndaj tyre ta do të jenë fatale”, tha Meta.
Nga Korça, ku zhvilloi takime me strukturat e partisë, Meta shpjegoi se stërvitja e tij e përditshme është një mesazh për betejën që duhet të bëjnë shqiptarët për të ndryshuar vendin.
Në konferencë nuk munguan as ironitë e batutat e Metës.
“Bëni sport, mos pini mall. Mesazhi është se pa djersitje nuk ka rritje. Qëllimi është të shkunden të tërë sa më parë”, tha Meta./vizionplus.tv/
