“SPAK” do të ngrihet së shpejti, Ibrahimi: 5 nga kandidatët kaluan vettingun

Ngritja e SPAK nuk ka një datë konkrete por këshilli i lartë i prokurorisë mund të nisë së shpejti emërimet ne strukturen e posaçme antikorrupsion.

Në mbledhjen e parë pas pushimeve verore ku u diskutua buxheti i KLP-së, kreu i këtij institucioni u shpreh optimist se struktura qe do te hetoje korrupsionin e zyrtareve te larte do te jetë funksionale brenda një periudhe të shkurtër pasi 5 nga kandidatet për ne strukturën e posaçme antikorrupsion kane kaluar te gjitha fazat e vetingut.

Pas shkarkimit nga detyra të anëtarit të KLP Gent Osmani, këshilli i lartë i prokurorisë po vijon punën me një anëtar më pak ndërsa prokuroria e përgjithshme shpalli këtë të henë edhe thirrjen për kandidatët që duan të bëhen pjesë e këtij institucioni.

Fillimi shtatorit solli edhe rinisjen e seancave të vetingut ku Sokol Ibi gjyqtar administrativ në korcë doli para trupes vlerësuese.