Avokati Besart Logu ka përfunduar në arrest shtëpiak.
Ai u izolua me urdhër të Prokurorisë së Posaçme për ushtrim ndikimi të paligjshëm.
Sipas burimeve, Logu dyshohet se i ka marrë një klienti italian 8 mijë euro në këmbim të ndikimit te një prokuror dhe gjyqtar i Tiranës, për t’i ndryshuar masën e sigurisë “arrest në burg”.
Italiani ishte duke u hetuar bashkë me persona të tjerë për mashtrim me TVSH.
Deri në këtë fazë hetimore ka rezultuar se Logu shumën e parave e ka mbajtur për vete, por nuk ka ndikuar te organet e drejtësisë.
Në këto kushte, ka qenë pikërisht italiani që denoncoi mbrojtësin ligjor, Besart Logu.
