Një operacion është zhvilluar këtë të mërkurë nga Prokuroria e Posaçme kundër Korrupsionit dhe Krimit të Organizuar në disa qytete të vendit.
Sipas SPAK aksioni lidhet me hetime për një procedim penal që përfshin veprimtari të krimit të organizuar, trafik të lëndëve narkotike si dhe pastrim të produkteve të veprës penale.
Mes personave që SPAK lëshoi urdhërarrest është dhe Jetmir Pepa.
Ky i fundit u bë personazh i njohur pasi dy vjet më parë ish-gruaja e tij Marinela Berisha së bashku me motrën e saj Antonelën dhunuan rëndë Klea Prengën teksa po konsumonte darkë.
Megjithatë arrestimi i tij ishte i pamundur pasi Pepa ndodhet jashtë vendit.
Burime bëjnë me dije se urdhër arrestet janë lëshuar nga prokurori Alfred Shehu, ndërsa operacioni është shoqëruar me arrestime dhe kontrolle.
