Ish-deputeti demokrat, Bardh Spahia akuzon ministren e Shëndetësisë, Ogerta Manastirliu se mashtron në lidhje me listën e barnave të Rimbursueshme.
Në një postim në “Facebook”, Spahia shprehet se ministria nuk ka shtuar asnjë barnë të re për pacientët por vetëm alternativa të para me cilësi dhe origjinë të dyshimtë kryesisht nga Turqia, Qipro, Serbia etj.
Sipas Spahisë, deklarata e ministres Manastirliu që është negociuar çmimi i barnave të shtrenjta është mashtrim sepse çmimet e barnave të shtrenjta janë njësoj siç ishin tek lista e vjetër.
“Lista e ashtuquajtur e re e Barnave te Rimbursueshme qe tregtohen nga farmacite e rrjetit te hapur e qe aksesohet nga pjesa me e madhe e pacienteve ka vetem 1 bar te ri. Dhe ne total jane sa gishtat e njeres dore numri i barnave qe jane shtuar ne listen e barnabe qe tregtohen ne spital. Lista jo vetem nuk po shtohet me barna te reja dhe jetike per pacientet por po vazhdon te mbushet me alternativa te para me cilesi dhe origjina te dyshimta kryesisht Turqia, Qipro, Serbia etj. Fondi i parashikuar per rimbursim barnash nuk ka asnje rritje nga viti i kaluar. Papergjegjshmeria, babezia, hajduteria e kane kthyer listen e barnave ne nje pershesh krundesh ku organizatat kriminale farmaceutike dhe ato qeveritare nxjerrin milionat, ndersa mijera qytetare shesin dhe shtepite per te siguruar barnat e nevojshme. Deklarata e Ministres qe eshte negociuar cmimi i barnave te shtrenjta eshte mashtrim, cmimet e barnave te shtrenjta jane njesoj sic ishin tek lista e vjeter. Plot 30 milione u vodhen dhe u shperdoruan gjate vitit 2018, dhe per cudi asnje pergjegjes nuk pati, rezultati i vetem eshte kjo situate qe nuk perfshihen barna jetike e te domosdoshme te paperballueshme nga qytetaret. Dy barna te reja te shtuara ne listen e barnave qe tregtohen nga farmacite e rrjetit te hapur, nga te cilat vetem 1 eshte princip aktiv i ri (vinpocetine 10 mg) ndersa tjetri eshte kombinim dy barnash qe kane qene dhe vec e vec ne treg ( Irbesatan + Amplodipine 150 mg + 5 mg). Per me keq akoma, shume barna te listet mungojne pothuaj vazhdimisht, rrjedhimisht pacientet ose nuk mjekojen ose detyrohen te rropaten neper bote duke i blere shtrenjte. Ky eshte genocid.”
