Ish-ministri i Shëndetësisë, Bardh Spahia tregoi për një rast që sipas tij, nxjerr në pah sesa keq menaxhohet situata e koronavirusit në Shqipëri. Spahia tha në “Facebook” se një 69-vjeçari i është ngatërruar tampon dhe ju tha se nuk është i infektuar. Por më pas rezultoi ndryshe.

“Një 69 vjecari nga Mjeda e Vaut të Dejës i paraqitur me shenja klinike të dyshuara si Covid në Shkodër, i ngatërrohet rezultati i tamponit dhe i thuhet se ka rezultuar negativ. Por gjatë qëndrimit në spital për të trajtuar simptomat që vijojnë akute, kuptojnë se është bërë ngatërresa në rezultat, dhe 69 vjecari ka qenë pozitiv. Këtu merr fund refuzimi për ta dërguar në Tiranë dhe sillet me urgjencë në orët e vona të mbrëmjes së kaluar në spitalin infektiv. Ndërkohë, personi ka qëndruar mbi 24 orë në spital, në kontakt me pacientë të tjerë, me personel shëndetësor e mbështetës, e familjarë. Ja pra një mënyrë se si përpapet Covid, nga papërgjegjëshmëria apo zelli i tepërt për të bërë tamponët për qoka, e kur ka raste konkrete, nuk kanë vëmendjen e duhur!”

Demokrati tha se e vetmja zgjidhje është të rritet numri i tamponëve, të testohet gjithë personeli mjekësor dhe të mos neglizhohen ankesat e njerëzve.

Leave a Reply

Your email address will not be published. Required fields are marked *