Sonte mbrëma rikthehet në ekranin e Vizion Plus, Alpazar, show më i madh i humorit.
Një spektakël plot humor e batuta bazuar në aktualitetin politik dhe jo vetëm, vjen përmes mjeshtërisë së aktorëve të njohur Agron Llakaj, Behar Mera e Xhevahir Zeneli si dhe trupës së veçantë të aktorëve të cilët premtojnë një edicion plot risi dhe të qeshura.
I renditur në top-listën e programeve më të ndjekura në televizionet shqiptare, Alpazar në këtë edicion të tetë të tij premton shumë surpriza e risi.
Larmishmëria në kostumografi dhe në karaktere e bën Alpazar unik në llojin e tij.
Alpazar do të mbërthejnë teleshikuesit pas ekranit të vizion plus nga kjo e shtunë e në vazhdim, në orën 21 të mbrëmjes.