Kreu i Partisë Demokratike Lulzim Basha ka reaguar përmes një postimi në rrjetet sociale pas përfundimit të Kuvendit Kombëtar të PD-së.

 

Basha është shprehur se pa qëndresën e anëtarëve dhe drejtuesve, nuk do ishte e mundur që të ndërtohet e ardhmja, duke u hapur më shumë vende punë dhe ofrimin e një sistemi arsimor dhe shëndetësor më të mirë.

 

Sipas tij sot nisi ndërtimi i Partisë Demokratike moderne, asaj të qytetarëve dhe anëtarëve dhe jo kryetarit.

 

“Pa qëndresën e anëtarëve dhe drejtuesve nga seksioni deri te kryesia e PD-së ne nuk do të ishim sot këtu për të ndërtuar të ardhmen, që t’ju shërbejmë njerëzve, që të hapen vende pune për të rinjtë tanë, që të rriten të ardhurat për familjet shqiptare, që ato të kenë arsim dhe shëndetësi më të mirë.

 

Për këtë nisim sot të ndërtojmë Partinë Demokratike moderne, partinë e qytetarëve dhe anëtarëve dhe jo partinë e kryetarit. Sepse kryetarët ikin e vijnë, por demokratët dhe Partia Demokratike do të jetë aty për të luftuar vetëm për të mirën e Shqipërisë dhe shqiptarëve! Mirënjohje për secilin prej tyre!”, shkruan Basha. 

Leave a Reply

Your email address will not be published. Required fields are marked *