Vizion Plus dhe Tring HD do te sjellin sonte nga Shkupi, emocionet e Superkupes se Europës, që vë përballe dy gjigande si Reali i Madridit dhe Manchester United. Ky është edicioni i 42 i Superkupës së Europës, teksa kampioni në fuqi është pikërisht Reali i Madridit që mposhti vitin e kaluar Sevillen.
Superkupa e Europës përplas si rregullës dy ekipet fituese te trofeve ne kontinentet, ate që mban fronin e kampiones se madhe te Europës pra Realin, fitues te Uefa Champions League, si dhe mbajtësen e trofeut te vogël, Manchester United, që ka fituar Uefa Europa League.
Real Madrid është tre herë fitues i këtij trofeu, ndërsa Masnchester Uinited vetëm 1 here. Rekordmenet e fitimit të këtij trofeu janë Milan dhe Barcelona me nga pesë herë, ndërsa ekipet spanjolle janë rekordmbajtësit si fitues ne 13 raste kundrejt 9 të ekipeve italiane. Është herë e parë që Maqedonia me stadiumin e saj Filipi II pret një eveniment të tillë kaq madhor.
Pritet që gjithçka prej 33 mije biletave të jetë e ezauruar. Ndeshja do të luhet në kushte jo normale, pasi temperatura pritet që gjatë ndeshjeve të jete 32 grade celsius e për këtë arsye do të ketë ndërprerje të ndeshjes në mesin e çdo pjesë, për t’i dhënë mundësi lojtarëve të freskohen.
Në fushë do të jenë dy ekipet me vlerat financiare me te mëdha në treg. “Djajtë e kuq” vlerësohen me 3 miliard euro, ndërsa klubi merenges 2.9 milion euro, teksa edhe arkëtimet vjetore te skuadrave shkojnë diku tek 700 milion euro secila. Ndeshja do të gjykohet nga italiani, Xhanluka Rocchi.
