Sot në mesditë homazhet për Shyqyri Rrelin në stadiumin e ri  kombëtar

Federata shqiptare e futbollit bëri të ditur vendin dhe orën në të cilën do të mbahen homazhet në nderim të Shyqyri Rrelit.

FSHF sqaroi për të gjithë miqtë, të afërmit, koleget dhe dashamirësit e sportit se homazhet do të zhvillohen nga ora 12:00 deri në orën 14:00 në “Air Albania Stadium” në kryeqytet.

Shyqyri Rreli u nda nga jeta në moshën 89 vjecare duke lënë pas kujtime të jashtëzakonshme si futbollist I Dinamos e Tiranës dhe si ish trajner I ekipeve kombëtare, Shkëndijes, Tiranës dhe Shkumbinit.