Më 15 qershor, “Ferma Vip 3” do të mbyllë dyert e një tjetër edicioni të suksesshëm, ndërsa prime i kësaj të hëne pritet të shkaktojë një stuhi emocionesh, përballje të forta e momente të paharruara për pjesëmarrësit dhe të gjithë publikun besnik të këtyre muajve.
Me vetëm një javë të mbetur deri në finale, çdo hap është i rëndësishëm dhe çdo vendim mund të ndryshojë rrjedhën e ngjarjeve.
Në këto ditë të fundit, sytë janë drejtuar tek rivaliteti i fortë i secilit fermer. Ndërsa disa nga ata kanë krijuar lidhje të forta miqësore, të tjerë po luftojnë për të ruajtur pozitat e tyre brenda shtëpisë.
Është pikërisht përballja e Romirit me Mozën për të siguruar një vend në finale, e për këtë vendimi i takon sigurisht publikut. Televotimi vijon të jetë i hapur deri sonte në mbrëmje prandaj mos harroni të votoni të preferuarin tuaj.
Sfidat fizike dhe mendore janë bërë më intensive, dhe tensionet mes fermerëve janë të dukshme çdo orë që kalon, ndaj dhe sonte priten të tjera sprova vendimtare që do të ndryshojnë gjithçka.
Në këtë fazë të lojës secili prej fermerëve është bërë faktor diskutimi jo vetëm nga konkurrentët por edhe nga publiku, ndërsa tensionet e shumta të krijuara, kanë vetëm një qëllim, arritjen e finales dhe fitimin e çmimit të madh.
Këto dhe shumë zhvillime të tjera do të mund ti ndiqni sonte, live në ora 21:00 në ekranin e Vizion Plus, në një Prime që nuk duhet humbur.
/vizionplus.tv
