Sot ne orën 19.00 mblidhet kryesia e Partisë Demokratike. Ne rendin e ditës se kësaj mbledhje nuk janë kërkesat e parashtruara nga kritiket e Bashes, por vetëm 2 pika ne funksion te zgjedhjeve ne datën 22 korrik. Pika e pare e kësaj mbledhje është miratimi i kandidaturave per postin e kryetarit te PD dhe pika e dyte është ngritja e komisionit qe do te organizoje zgjedhjet. Ne mbledhjen e kryesisë pritet te kete debate te ashpra mes mbështetësve te Bashes dhe kundërshtareve te tij; por pjese e kësaj mbledhje nuk do te jene; Lulzim Basha per shkak te vetengrirjes, si dhe Sali Berisha, Astrit Patozi e Jozefina Topalli, te cilët nuk jane anëtare te këtij forumi. Ndërkaq dy nënkryetaret e PD kane publikuar nje deklarate per te sqaruar vendimmarrjen e tyre ne lidhje me datën 22 korrik. Edi Paloka dhe Edmond Spaho theksojnë se procesi i zgjedhjeve ne PD eshte ne përputhje me statutin, i cili ne asnjë moment nuk i delegon kryesisë te drejtën te caktoje datën e zgjedhjeve. Paloka dhe Spaho duke iu referuar kërkesave te Astrit Patozit dhe kundërshtareve te Bashes deklarojnë se nuk mund te plotësojnë kërkesa qe nuk parashikohen apo jane ne kundërshtim me statutin.