Gjykata e Posaçme merr sot vendimin në lidhje me ish-kryeministrin Sali Berisha, për të cilin SPAK ka kërkuar masën e sigurisë “arrest shtëpie”.
Gazetarja Blerina Cene, e ftuar në emisionin “7pa5 me moderatorët Alma Çela dhe Syrjan Rahova, ka thënë se gjyqtarja Irena Gjoka mund të marrë dy vendime të mundshme.
Lexo edhe :
Related Posts
Ajo mund të lërë në fuqi masën e sigurisë detyrim paraqitje dhe ndalim të daljes jashtë vendit, ose të pranojë kërkesën e SPAK dhe të vendosë arrest shtëpie.
Cene tha se kërkesa e SPAK erdhi pasi Berisha nuk respektoi tre herë masën e mëparshme, atë të detyrimit të paraqitjes.
E pyetur se ku do ta kryejë Berisha arrestin, në seli apo në shtëpi , Cene tha se kjo mbetet e paparashikueshme.
“Zoti Berisha është pak i paparashikueshëm, sikundër tha më herët që do e respektonte vendimin e Parlamentit, por tani e quan sulm politik dhe antikushtuetues.
Selia nuk është pronë, ai ka paralajmëruar më herët që mund ta marrë me qira një pjesë të saj, por nuk mund ta them me siguri”, tha Cene. /vizionplus.tv
