Argjentina përballë Francës: sfida e fundit dhe finalja e Kupës së Botës Katar 2022. Messi apo Mbappe, kush do të triumfojë sot? Të gjitha pikëpyetjet do të marrin fund këtë pasdite në orën 16.00. Të dyja skuadrat kanë bërë një rrugëtim të vështirë, por ja kanë dalë të vijnë në finale për të shkruar historinë.
Argjentina ëndërron të rikthejë Kupën e Botës që nga viti 1986, me në krye Messin që shpreson në këtë botëror të fundit t’i shtojë koleksionit një tjetër trofe.
Nga ana tjetër Franca, kampionia në fuqi dëshiron të arrijë suksesin e dytë radhazi pas atij të Rusisë 2018.
Takimi i fundit mes Albiceleste dhe Gjelave daton në edicionin e fundit të Kupës së Botës, në 16-she në një përballje spektakolare me plot gola, e cila përfundoi 4-3 për ekipin e Deschamps .
Në Argjentinë besojnë se ky është viti i duhur për të fituar kupën e botës dhe të besuarit e Scalonit janë grumbulluar të gjithë rreth Messit,me sytë nga ai duke pritur që të ngjiten në majën e botës.
Nga ana tjetër Franca mban mbi super kampionen në fuqi dhe do të provojë të ruajë fronin. Gjelat ndihen të sigurt falë formës fantastike të Kylian Mbappe e Griezmann, që këtë edicion kanë shkëlqyer.
Në letër e jo vetëm parashikohet një ndeshje e fortë ,ndonëse nga të dyja krahët kanë lojtarë të dëmtuar. Lajm i keq për francezët është se në listën e lojtarëve në dyshim për këtë përballje u shtua dhe Giroud ndërkohë që nga bardheblutë, konfirmohet mungesa e Di Maria. Deschamps është në luftë me kohën për të rikuperuar Upamecano, Varane e Rabiot, të cilët në ditët e fundit janë prekur nga një virusi i njohur si “Virusi i Devesë”.
Ndërkohë ai që do të arbitrojë këtë finale të madhe do të jetë polaku Szymon Marciniak.
Të dy skuadrat e kanë fituar nga 2 herë Kupën e Botës dhe mbrëmjen e sotme njëra prej tyre do të ngjitet në kuotën e tre trofeve.
