Uefa Champions League vazhdon sonte ne platformën Tring dhe Vizion Plus me një tjetre perballje titanësh. Ne Alianc Arena Bajerni i Mynihut sfidon kampionet ne fuqi te Realit te Madridit. Një beteje jo vetëm yjesh lojtaresh, por edhe teknikesh ku Karlo Anceloti sfidon ish-skuadrën e tij, por edhe zëvendësin Zinedin Zidan kur ishin se bashku ne pankinen Merenges ne maj te 2014-es.
Per me teper italiani vazhdon te jete nje figure e dashur ne Madrid, pikërisht per fitimin e titullit te 10 te Champions League. Mungesa e madhe per bavarezet është qendërmbrojtësi Humels, Nojer është rikuperuar, ndërsa ne dyshim deri ne fund është sulmuesi Levandovski, i cili ka pasur nje dhimbje ne shpatull. Ne rast se do te mungoje per gjermanet do te jete nje humbje e madhe, pasi polaku ka shënuar 38 gola ne 40 ndeshje per ketë sezon. Ne kampin kundërshtar per Realin do te mungoje Rafael Varane dhe Pepe, por gjithçka është ne rregull per treshen Ronaldo, Benzema dhe Gareth Bale.
Jo pak e rëndësishme edhe sfida tjetër ne Vicente Calderon mes Atletiko Madrid dhe Leicester City. Skuadra e Simeones shpreson ne gjysmëfinalen e trete ne katër sezonet e fundit, ndërkohe qe dhelprat pas historisë se kalimit deri ne ketë tur kërkojnë te vazhdojnë me tej ëndrrën champions. Kampionet e Anglisë duket se kane rilindur qe me largimin e Ranierit nga pankina. Spanjollet nuk do te kenë shërbimet e Gameiro, Tiago, Moja, Vrsaljko dhe Augusto Fernandez, ndërsa te anglezet Morgan Mandy dhe Wague.
