Sot Presidenti i Kosovës, Hashim Thaci do të jetë sërish para prokurorëve të Prokurorisë Speciale në Hagë në ditën e dytë të marrjes në pyetje për aktakuzat e krimeve të luftës.
Të hënën për 6 ai u mor në pyetje teksa Thaçi tha se u diskutua për “çështje sqaruese, teknike” dhe për “ato fillestaret të interesimit të prokurorëve për Ushtrinë Çlirimtare të Kosovës”.
Zyra e Prokurorit të Specializuar njoftoi se më 24 prill ka paraqitur një aktakuzë për krime lufte dhe krime kundër njerëzimit kundër presidentit Thaçi, kryetarit të Partisë Demokratike të Kosovës, Kadri Veseli, dhe disa të tjerëve, emrat e të cilëve nuk janë bërë publikë.
Dje para se te merrej ne pyetje, Thaçi deklaroi se është i bindur se nga kjo sfidë do të dalë i suksesshëm, ndërsa aktakuzën për krime lufte e cilësoi si cmim për lirinë.
Gjykatësi i procedurës paraprake ka maksimum gjashtë muaj kohë, nga muaji prill, për të konfirmuar ose hedhur poshtë aktakuzën.
