Partia Socialiste do të mbledhë këtë të enjte Asamblenë Kombëtare. Gjatë këtij aktiviteti, kryemininistri Edi Rama pritet të shpallë emrat e kabinetit të ri qeveritar.
Deri më tani ai ka rikonfirmuar publikisht në detyrë Taulant Ballën si kryetar të grupit parlamentar dhe Elisa Spiropalin si ministre për Marrëdhëniet me Parlamentin.
Në fund të Asamblesë, publiku do të njihet edhe me anëtarët e Kryesisë së re, drejtuesit politikë të qarqeve dhe Sekretariatin Ekzekutiv të partisë.
Rendi i ditës:
Mbështetur në Statutin e Partisë dhe në Rregulloren për Organizimin dhe Funksionimin e Asamblesë Kombëtare të Partisë Socialiste Neni 4, Sekretari i Përgjithshëm thërret Mbledhjen e Asamblesë Kombëtare me këtë rend dite:
- Hapja e mbledhjes dhe miratimi i rendit të ditës.
- Fjala e Kryetarit të Partisë Socialiste Edi RAMA.
III. Zgjedhja e Kryesisë së re, drejtuesve politikë të qarqeve dhe sekretariatit ekzekutiv të partisë.
