Sot 5 Maji/ Meta: Lavdi e përjetshme dëshmorëve të Atdheut

Presidenti Ilir Meta ka kujtuar 5 Majin, Dita e Dëshmorëve të Kombit që kanë dhënë jetën e tyre për liri.

Përmes një postimi në “Facebook”, shkruan se sot është dita e Qemal Stafës dhe e mijëra të rinjve dhe të rejave, që dhanë jetën për Lirinë e Shqipërisë.

“Sot është dita e Qemal Stafës dhe e mijëra të rinjve dhe të rejave, që dhanë jetën për Lirinë e Shqipërisë. Lavdi e përjetshme, nderim, respekt dhe mirënjohjen më të thellë Dëshmorëve të paharruar të Atdheut, të çdo epoke!”

Dita e Dëshmorëve e ka origjinën në 5 maj 1942, kur u vra Qemal Stafa, i cili me veprimtarinë e tij u kthye në simbol të Luftës Antifashiste Nacionalçlirimtare.