Pas takimit të zhvilluar me të ngarkuarën me punë të SHBA, Leyla Moses-Ones, kreu demokrat Lulzim Basha ka pritur në selinë blu edhe ambasadorin e BE, Luigi Soreca.
Takimi mes Bashës e Sorecës ka ardhur pak ditë para zgjedhjeve të 30 qershorit, ndërsa nuk dihet tematika e bisedës.
Basha pas takimit që pati me Moses edhe pse nuk dha detaje nga biseda me të, deklaroi I prerë se në 30 qershor nuk do të ketë zgjedhje.
Ndërkohë më herët, presidenti Meta në një konferencë për shtyp po ashtu bëri me dije se nuk e njeh si datë zgjedhjesh 30 qershorin.
Nga ana tjetër, kreu I qeverisë, Edi Rama ka theksuar se zgjedhjet do të zhvillohen dhe se nuk ka asnjë mundësi që ato të shtyhen.
