Ambasadori i Bashkimit Europian përsërit thirrjen drejtuar të rinjve, që të ushtrojnë dhe të shfrytëzojnë të drejtën e votes, me synimin për të ndryshuar të ardhmen e tyre.
Këtë apel Soreca e bëri nga Universiteti Bujqësor, teksa ishte pjesë e një aktiviteti për programin e BE-se “Erasmus plus”. Ai tha se të rinjtë shqiptarë duhet të ndryshojnë vendin e tyre përmes zgjedhjeve.
“Ju bëj thirrje që të votoni, të ushtroni të drejtën që keni për të hedhur votën tuaj, pra merrni pjesë, kjo është e drejta juaj, por edhe një përgjegjësi që ju keni. Hidhni votën në kutinë e votimit, se vetëm kështu do të bëni diferencën. Mos e shpenzoni kot këtë të drejte që ju keni. ‘Ti vendo’”, tha Soreca.
