Sofia Vergara foli për rolin e saj në serialin e ri të Netflix, “Griselda”, ku ajo luan rolin e një trafikanteje kolumbiane droge.
Në një intervistë që ka dhënë për programin spanjoll “El Hormiguero”, aktorja është pyetur edhe për dashurinë, duke iu referuar divorcit të fundit nga Joe Manganiello.
Gjatë bisedës, Vergara komentoi me humor interesat e saj të ardhshme romantike. Përveç kësaj, ajo ndau kriteret e saj, duke theksuar moshën e partnerit të ardhshëm, kërkesat për fëmijët dhe bukurinë në përgjithësi. Në veçanti, ajo ka sqaruar mospëlqimin e saj për aktorët, duke pasur parasysh divorcin e fundit nga njëri prej tyre.
“Ai duhet të jetë pesëdhjetë vjeç si unë, të ketë fëmijë dhe të jetë i pashëm, por nuk duhet të jetë diçka hyjnore”, tha ajo me shaka.
Duke reflektuar mbi ngjarjet e vitit 2023, Vergara mendoi se viti i kaluar ishte një përzierje e gjërave të mira, gjërave të çmendura dhe gjërave të këqija. Bisedat për një partnere të mundshme vijnë pas thashethemeve të fundit se ajo është në një lidhje me Justin Slimane, një mjek që punon në spitalin Cedars-Sinai në Los Angeles./vizionplus.tv/
