Sofia Jaramilo, tifozja e zjarrtë e “Djajve”

Prej më shumë se një viti, Sofia Jaramilo është bërë e njohur si tifoze e zjarrtë e Mançester Junaited.

U desh të pozonte vetëm një herë me ngjyrat e “Djajve të kuq”, për t’u shndërruar në muzën e tyre. Bëhet fjalë për një modele 27-vjeçare kolumbiane, e cila gjithashtu ka marrë pjesë edhe si prezantuese në disa emisione.

Po ashtu prej 5 vjetësh ka nisur karrierën si aktore, me interpretimet në disa serialë amerikano-jugorë, që kanë pasur audiencë të lartë, pikërisht falë pjesëmarrjes së saj.

Sidoqoftë, bujën më të madhe e ka bërë në botën e modës, falë shërbimeve fotografikë që ka realizuar për disa marka dhe revista latine.

Si një kolumbiane e vërtetë, Sofia është mbështetëse e përfaqësueses kolumbiane. Megjithatë, mbi të gjitha është e vëmendshme për ecurinë e Junaited. Javën e kaluar festoi gjatë trofeun e parë të “epokës-Mourinjo”, pas fitores 3-2 në Kupën e Ligës ndaj Sauthempton.