“S’mund të ishte dot më i mirë”/ Rama zbardh takimin me Presidentin e UEFA-s

Kryeministri Edi Rama ka dhënë detaje nga takimi që zhvilloi këtë të enjte me presidentin e UEFA-s, Aleksandër Ceferin.

Përmes një postimi në “Twitter”, kreu i qeverisë shkruan se nuk mund të ishte dot më i mirë për qëllimin e përbashkët të zhvillimit në Tiranë të finales së parë evropiane në histori, si dhe të realizimit të një procesi  për të gjitha palët e përfshira në zgjedhjet e reja të FSHF.

“Takimi sot me Presidentin e UEFA-s s’mund të ishte dot më i mirë për qëllimin e përbashkët tê zhvillimit në Tiranë të finales së parë europiane në histori, si dhe të realizimit të një procesi të besueshëm për të gjitha palët e përfshira në zgjedhjet e reja të #FSHF #FairPlay.”