Socialistët kanë zbritur në sheshin “Skënderbej” ditë e sotme për të çelur zyrtarisht fushatën e 11 majit. Synimi kryesor është përmbushja e ëndrrës së kahershme, asaj të Shqiëprisë në BE.
Sot tha Rama, është koha që vendi të takohet me hisotrinë dhe të mos e humbasë mundësinë për të hyrë në BE për mustaqet e Kujtim Gjuzit, duke ironizuar kështu edhe opozitën.
Rama tha se luftërat dhe situata gjeopolitke paralajmërojnë kohëra të vështira dhe për këtë arsye nuk mund të humbasim shansin historik që na është dhënë, atë të anëtarësimit të vendit në BE.
Rama: Sot është dita, ky është muaji i ndarë mes prillit dhe majit, kjo është dekada e ardhjes së fatit evropian të Shqipërisë në dorën tonë. Si asnjëherë më parë që kur dolëm nga ferri komunist, BE ka shkuar përjet fjalëve dhe premtimeve dhe ka hapur portën e madhe duke nga dhënë një afat për të mbyllur negociatat dhe për të hyrë në atë shtëpi të ëndërruar, 2027.
Në këtë vit 2025, që përpos të tjerave është jubilar dhe është i shenjtë, kur kanosjet e luftës dhe rrëmuja e re gjeopolitke, paralajmërojnë kohëra me sfida të mëdha përpara. Në shqiptarët nuk mundemi ta humbasim takimin me historinë për mustaqet e Kujtim Gjuzit.
Të takosh historinë apo të futesh nën mustaqet e Kujtim Gjuzit. Kjo është dita, koha që ne të nisim jo fushatën, por kuvendimin e madh të maleve dhe fushave, qytetaeve dhe fshatrave, shqiptarëve dhe shqiptareve përtej të majtës dhe të djathtës, përtej ndasive të vjetra, për Shqipërinë zonjë në familjen e madhe evropiane./vizionplus.tv
