Sllovakia po mban sot raundin e dytë të zgjedhjeve presidenciale i cili pritet të përcaktojë pozicionimin e shtetit mes Rusisë dhe Perëndimit.
Dy kandidatët në balotazh janë ish-ministri i jashtëm properëndimor Ivan Korcok dhe politikani Peter Pelegrini, një skeptik ndaj Ukrainës, gjithashtu i akuzuar për miqësitë me Rusinë.
Ky i fundit gëzon mbështetjen e partisë në pushtet. Sipas sondazheve gara mes të dyve është e ngushtë.
Pushtimi i Ukrainës nga Rusia ka qenë temë debati në fushatën zgjedhore në Sllovaki, pasi kryeministri i vendit, Robert Fico vuri në pikëpyetje sovranitetin e Ukrainës dhe bëri thirrje për paqe me Rusinë. /vizionplus.tv
