Sllovaki, Fico fiton zgjedhjet

Kryeministri sllovak i të majtës nacionaliste, i bërë i njohur së fundi për politikat e tij kundër emigrantëve, Robert Fico, ka fituar zgjedhjet por ka humbur shumicën parlamentare që janë zhvilluar këtë fundjavë në Sllovaki. Ficos do t’i duhet të negociojë me partitë e vogla, përfshi të djathtën ekstreme për të formuar qeverinë e re. Muajt e fundit, Fico deklaroi se Sllovakia nuk do të pranojë asnjë musliman të vetëm në radhët e emigrantëve. Ai zbatoi politikën e kufijve të mbyllur, ndërsa kundërshtoi ashpër planin e BE-së për ndarjen me kuota të refugjatëve në vendet e unionit.