Skënderbeu siguroi tre pikë të çmuara në ndeshjen e luajtur të mërkurën përballë Laçit në trasfertë, ku fitoi me përmbysje me rezultatin 1-2.
Të besuarit e Ilir Dajës, pas vetëm 20 minutave lojë e panë veten në disavantazh pasi kurbinasit arritën të shënonin me Kyrian.
Pavarësisht përpjekjeve korçarët nuk mundën që të barazonin rezultatin duke bërë që pjesa e parë të mbyllej në favor të kurbinasve.
Me fillimin e të dytës, ishte Bregu ai që shënoi për korçarët duke rikthyer baraspeshën.
Por nuk zgjati shumë dhe bardhekuqtë shënuan sërish në minutën e 66 me Otto Xhon duke vulosur kështu dhe shifrat përfundimtare të takimit.
Pas dy javësh, Skënderbeu kryeson me pikë të plota duke bërë një nisje mëse të mbarë në edicionin e 81 të kategorisë superiore.
