Skënderbeu nis te zbrazet, ikën Sabjen Lilaj

Fillojnë telashet për Skënderbeun dhe jo vetëm ato që kanë lidhje me gjyqin në KAS.

Korçarëve u ka dhënë lamtumirën një prej futbollistëve kryesorë të ekipit, mesfushori Sabien Lilaj, i cili vlerësohet zyrtarisht i larguar nga radhët e kësaj skuadre.

Kontrata e futbollistit të përfaqësueses përfundonte në qershor dhe Lilaj ka vendosur të mos e rinovojë atë, me apo pa pezullimin e KAS, vendim të cilin ia ka thënë edhe drejtuesve të klubit që disa ditë më parë.

Sipas informacioneve të siguruar nga “Vip Sport”, Lilaj ka gjetur sistemimin e ardhshëm për vazhdimin e karrierës, pasi ka firmosur disa ditë më parë për klubin e tij të ri.

Edhe pse përflitej për interesim nga kampionatet si ai italian apo zviceran,  mësohet se Lilaj ka firmosur në një ekip nga kampionatet e Europës Lindore dhe prezantimi do të bëhet në ditët e ardhshme, pasi të mbyllë gjithçka sa i përket dokumentacionit me ekipin korçar.