Klubi ‘Skënderbeu’ zyrtarizon një afrim të ri me lidhjen e kontratës që arrin me futbollistin 18 vjeçar nga Maqedonia e Veriut Agon Elezi. Në faqen e tij zyrtare, klubi njoftoi se 18 vjeçari ka konkretizuar të martën akordin paraprak me klubin duke firmosur kontratën që e lidh me KF Skënderbeu për 3 vitet e ardhshme.
Elezi u bashkua sot me grupin nën urdhrat e trajnerit Ilir Daja dhe stafit teknik.
Lojtari vjen nga ekipi Under19 i ekipit Francez SM Caen dhe është pjesë e përfaqësueses U19 dhe Under21 të Maqedonisë së Veriut.
Vlen të theksohet se 18-vjeçari mban shiritin e kapitenit tek kombëtarja Under19 e shtetit fqinj. Futbollisti me vendlindje Shkupin luan duke preferuar këmbën e djathtë si mesfushor qëndre.
