Skënderbeu nuk arriti të dalë kryelart nga stadiumi ‘Selman Stërmasi’ ku luajti ndaj Tiranës edhe pse zhvilloi një lojë përgjithësish të mirë. Ajo që u konsiderua si kryendeshja e javës së katërt përfundoi me shënimin e katër golave dhe rezultatin 3-1 në favor të ekipit kryeqytetas.
Qëndërsulmuesi i Tiranës Majkëll Ngoo që u paraqit rrezikshëm për mbrojtjen e Skënderbeut thuajse gjatë gjithë ndeshjes shënoi në sekondat e fundit të dy minutave shtesë të pjesës së parë.
Tirana që shkoi me avantazh në dhomat e zhveshjes e nisi me sulm edhe pjesën e dytë. Në ’49’ Doka ishte fare pranë golit por Koliçi spektakolar në pritje shpëtoi portën e Skënderbeut. Përsëri në ’51 Koliçi u bë shpëtimtar kur doli nga zona dhe duke grushtuar fluturimthi i hoqi topin nga këmba sulmuesit kryesor të Tiranës. Po ky lojtar ishte i pafat në ’58 pasi nuk ariti të devijonte topin në rrjetë fare pranë portës.
Një minutë më vonë porta e Tiranës ishte me fat sepse shpëtoi nga goli pas një rrumuje në zonë. Barazimi për Skënderbeun erdhi në ’66 të takimit. Atë që nuk e bëri dot sulmi I pafuqishëm I Skënderbeut e arriti mbrojtësi Pollozhani që shënoi me një gjuajtje me kokë nga brenda zonës.
Edhe pse bëri përpjekje të luante si e barabartë pasi u balancua rezultati, ekipi korçar nuk arriti ti bënte dot ballë presionit të vazhdueshëm të Tiranës. Halili që u fut si zvendësues dhe u cilësua nga komentatori si njeriu gol ja doli të shënonte sërish dhe të kalonte ekipin e tij në avantazh. Futbollisti kryeqytetas tealizoi golin në ’86 nga një goditje me kokë gati te pika e 11 metërshit.
Helmi erdhi përsëri në fund të takimit për skuadrën korçare. Trajneri Ilir Daja që shpresonte te një barazim shikoi orën si i pashpresë pas golit të dytë. Nuk qe e thënë ti çelej fytyra sepse hidhërimi duhej pirë deri në fund. Goditja që mori nga goli I dytē e shpërqëndroi edhe më shumë dhe solli shthurrjen e mbrojtjes të Skënderbeut. Hoxhallari e çoi në 3-1 rezultatin nga fundi i takimit. Kapiteni i kryeqytetasve shënoi në ’90 pas topit që i erdhi në këmbë nga një goditje këndi.
Skënderbeu me 2 fitore në dy javët e para dhe dy humbje të thella radhazi në dy javët në vazhdim mbetet në kuotën e 6 pikëve.
