Skënderbeu po “vrapon” në këto momente për të kthyer një orë e më parë lojtarët e huazuar dhe deri tani kanë konfirmuar rikthimin e tyre tre lojtarë.
Bruno Lulaj nga Laçi, Ardit Hoxhaj nga Flamurtari dhe Oto Xhon nga Trepçe 89’ janë treshja e sigurtë që do të kthehen te Skënderbeu për të vijuar në Korçë karrierën e tyre sportive.
Që nga data 5 korrik, të tre këta emra lojtarësh do të jenë nën urdhërat e trajnerit Orges Shehi. Këto janë lajme të mira për Skënderbeun, pasi skuadra po mbushet ç’do ditë e më shumë. Ndërkaq i huazuari i katërt që do të kthehet te Skënderbeu është Çarls Çinedu.
21 vjeçari është në pronësi të Skënderbeut për katër sezone dhe kujtojmë që sezonin u mbyll u huazua te Rabotniçki në Maqedoni.
Te skuadra maqedonase Çarls ka spikatur me lojën e tij dhe është një lojtar shtatlartë në repartin e sulmit. Plot 1.92 cm është Çarls rritja që ka pasur te Rabotniçi kanë detyruar korçarët që ta kthejnë menjëherë në skuadër.
Në këtë mënyrë, sulmi i Skënderbeut fuqizohet edhe më shumë, pas kthimit të Oto Xhon, sulmuesit tjetër Ardit Hoxhaj dhe tashmë edhe kthimi tjetër i nigerianit Çarls.
Klubi korçar e ka lajmëruar menjëherë lojtarin në fjalë që të jetë gati në ditët e para të korrikut për të qenë pjesë e Skënderbeut dhe aventura te Rabotniçki edhe për këtë futbollist tashmë ka përfunduar.
