Skënderbeu është klubi tjetër shqiptar i cili arriti të shlyejë çdo detyrim të prapambetur dhe të hapë përsëri merkaton. Vetëm mbrëmjen e të hënës, klubi zyrtarizoi 4 përforcimet e radhës për teknikun Julian Ahmatajt.

 

Ky i fundit kishte paralajmëruar në fakt diçka të tillë përpara gazetarëve ndërsa të katër futbollistët u prezantuan në faqen zyrtare të klubit. Vangjel Zguro është një emër i njohur në Kategorinë Superiore që mund të bëjë mirë në kampionat duke iu referuar dhe eksperiencës që ai ka ndonëse vitet e fundit i ka kaluar në futbollin amerikan.

 

Ndërsa të tjerët janë emra të rinj që mund të premtojnë shumë për të ardhmen. Leard Sadriu, pjesë e përfaqësuesen U21 të Kosovës dhe që sezonin e kaluar aktivizohej tek të rinjtë e Shkëndijës së Tetovës. Ndërsa dy futbollistët e tjerë janë Melos Bajrami, një 18-vjeçar dhe qendërmbrojtësi ganez Agbodzi Abi.

 

4 futbollistët iu bashkuan stërvitjes së bardhekuqëve këtë të martë për të qenë gati në takimin e radhës përballë Partizanit. Edhe tek djemtë e detit ka pasur ndryshime në lëvizjen e lojtarëve. Pas largimit të Rubin Hebaj, drejtuesit e klubit gjetën menjëherë zëvendësuesin e tij. Teuta i prezantoi tifozëve një  lojtar me përvojë si Sabino Plakun. Kështu një sulmues largohet dhe një tjetër afrohet duke u bërë përforcimi i parë për trajnerin Edi Martini.

Leave a Reply

Your email address will not be published. Required fields are marked *