Deputeti i Partisë Demokratike deklaroi se qëllimi i protestes së opozitës është krijimi i një qeverie tranzitore dhe pa Ramën kryeministër.
Ai tha se opozita ka si qëllim largimin e Ramës dhe jo ripërsëritjen e një skenari si ai I majit 2017 ku PD mori përkohësisht drejtimin e disa ministrive.
I ftuar në studion e emisionit të mëngjesit 7pa5 në Vizion Plus, Salianji nuk mohoi as skenarët e dhunës pasi, sipas tij, qytetarët e pakënaqur mund të çojnë protestën në çdo lloj forme.
Ai deklaroi se PD nuk mund të bëhet dot barikadë për të ndaluar qytetarët e pakënaqur.
Sa i takon skenarëve të protestës, Salianji u shpreh gjithashtu se askush nuk mund t’i ndalojë qytetarët që të hyjnë në institucionet shtetërore ndërsa garantoi se prona private nuk do të cënohet.
