Tre trafikantë droge nga Shqipëria, Ledion Subashi, 27 vjeç, Aurel Koltraka, 30 vjeç, dhe Kreshnik Batusha, 22 vjeç janë dënuar nga gjykata në Britaninë e Madhe.
Ata u prangosën në janar të këtij viti sepse kultivonin kanabis brenda një ambient të monitoruar me sistem kamerash. Shqiptarët u dënuan me nga 14 muaj burg secili, prej të cilave shtatë do t’i vuajnë në Britani, përpara se të kthehen në Shqipëri.
Avokatët e tyre kanë thënë para trupës gjykuese se të rinjtë kultivonin drogë sepse gjendja e tyre financiare ishte e mjerueshme. Gjatë aksionit të policisë më 14 janar, efektivët sekuestruan 1,382 bimë në 13 dhoma të ndryshme, të shpërndara.
