12 tifozë të Tiranës janë proceduar penalisht nga policia për ngjarjet e pas ndeshjes së zhvilluar të martën pasdite mes bardhebluve dhe Kukësit.
Tifozët duke marrë në konsiderate barazimin 0 me 0, rezultat i disatë radhazi negative, kanë ndërmarrë aktin ekstrem duke u future në fushën e lojës e duke u përplasur me disa lojtarë të skuadrës, mbi të gjithë Imami dhe Doka.
Këtyre dy lojtarëve iu kërkua nga tifozët që të hiqnin bluzën pasi nuk e meritonin por kundërshtimi i lojtarëve e ka degjeneruar edhe më shumë situatën.
Ata akuzohen nga policia e kryeqytetit per prishje te rendit dhe qetesise publike.
Ngjarja eshte vertet e rende dhe ne kufijte e skandalit, cka nuk mund te justifikohet kurrsesi me situaten e rende ne aspektin sportive tek Tirana.
Njoftimi i policise:
Menjëherë bëri kapjen dhe shoqërimin pranë Komisariatit të Policisë Nr.2 të 12 tifozave prishës të rendit dhe të sigurisë, si më poshtë:
- A. Gj. 18 vjeç, banues në Tiranë
- D. B. 37 vjeç, banues në Tiranë
- B. K. 18 vjeç, banues në Tiranë
- I. K. 18 vjeç, banues në Tiranë
- A. V. 31 vjeç, banues në Tiranë
- L. P. 20 vjeç, banues në Tiranë
- D. D. 18 vjeç, banues në Tiranë
- K. Sh. 18 vjeç, banues në Tiranë
- H. H. 21 vjeç, banues në Tiranë
- O. H. 18 vjeç, banues në Tiranë
- K. M. 18 vjeç, banues në Tiranë
- L. Zh. 22 vjeç, banues në Tiranë.
Personat e sipërpërmendur janë proceduar penalisht për veprën penale “Prishje e rendit dhe qetësisë publike”, parashikuar nga neni 274 i Kodit Penal.Nëpërmjet pamjeve filmike dhe informacioneve po vazhdon puna për identifikimin, shoqërimin dhe procedimin penal dhe administrativ të personave të tjerë të përfshirë në prishjen e rendit dhe qetësisë në këtë aktivitet sportiv.
Gjithashtu ndaj subjektit privat i pajisur me licensë të kategorisë 1-3A, e kontraktuar nga Klubi Sportiv “Tirana” për garantimin e rendit dhe sigurisë para, gjatë dhe në përfundimit të aktivitetit sportiv për mospërmbushje të detyrimeve ligjore u morën këto masa:
- gjobë drejtuesit teknik, bazuar në ligjit 75/2014 “Për Sh.P.S.F-t” neni 26 germa “d” dhe “dh”.
- gjobë për 5 punonjës të subjektit SH.P.S.F “Oktapus 1 Security”, bazuar në ligjin 75/2014 “Për Sh.P.S.F-t” neni 27.
Vazhdojnë procedurat për procedimin administrativ të Klubi Sportiv “Tirana” për mosbzatimin dhe marrjen e masave bazuar në lgjin Nr. 19/2016, datë 22.09.2016 “Për masat shtesë të sigurisë publike”.Sqarojmë se për për drejtuesit e K.F “Tirana” dhe drejtuesit e stadiumit “Selman Stërmasi” ka filluar procedimi penal për mos përmbushje të detyrimeve që rrjedhin nga ligji nr. 79/2017 “Për Sportet” dhe ligjit nr.19/2016, ” Për masat shtesë të Sigurisë publike” të evidentuara në ndeshjen e datës 28.09.2018. midis K.F Tirana – K.F Partizani.
