Jeni duke përdorur telefonat tuaj, apo duke pare një program ne televizorët Samsung? Nuk është çudi qe te jeni nen përgjim.
Organizata Wikileaks ka publikuar mbi 8 mije dokumente qe pretendon t’i këtë marre nga Agjencia qendrore e Zbulimit, CIA, e qe tregojnë mjetet e përdorura për te hakeruar, telefona, aplikacione dhe kompjuterë qe përdorin sistemet operative, Windows, Android, IOS, OSX, Linux. Kjo është realizuar përmes viruseve dhe programeve te përgjimit. Permes këtyre mjeteve CIA ka mundur te kontrolloje telefonat e kompanive amerikane dhe europiane, si I PHONE i Apple, Android i Google, Windows i Microsoft, dhe deri tek televizionet Samsung.
Po si ka ndodhur një gjë e tille? Një program përgjimi i quajtur “Engjëlli qe qan” arrin te shndërroje një smart TV, siç është televizori Samsung ne një pajisje regjistruese, edhe pse ai duket se është i fikur. Një virus i infiltrua ne televizorët smart mund të regjistroje zërat dhe më pas t’ia dërgoje CIA-s.
Një virus gjithashtu ka mundur te hyje edhe ne aplikacione si WhatsApp. Por për shkak se software sulmon pajisje dhe vete sistemet operative, çdo aplikacion mund te jete ne rrezik.
Po kështu një tjetër mjet përgjimi është ai qe mund te shndërrohet si telekomande ne telefonat iPhone, iPad-e, apo ne tableta me sisteme operimi Android, qe mund te regjistrojnë ne mënyre te fshehte video nga kamerat e tyre, te dëgjojnë me mikrofona dhe te gjurmojnë vendodhjen tuaj.
Sipas informacioneve tw Wikileaks, CIA ka përgjuar edhe pajisjet e HTC dhe Sony, ku ka mundur te lexoje mesazhet ne aplikacione si Whatsapp e të tjera.
Sipas Wikileaks, eksperte te infiltruar te CIA-s, gjendeshin ne një baze ne Frankfurt për te zhvilluar mjetet e përgjimit për shënjestra ne Europe, Lindjen e Mesme dhe Afrike.
