Autoriteti Kombetar i Ushqimit ka sekuestruar 2.5 tonë peshk dhe karkaleca deti ne Tirane.
Sipas AKU, subjektit te cilit i eshte sekuestruar sasia e madhe e peshkut dhe karkalecave nuk dispononte dokumentacionin e duhur
Inspektoret konstatuan probleme te konsiderueshme ne mekanizmin e ngrirjes dhe shkrirjes se peshkut dhe karkalecave dhe kushte jo te mira te mbajtjes se tyre.
Njoftimi i AKU:
Gjatë një kontrolli në subjektin “ALB ORCA”, në Tiranë, me aktivitet “Magazinë Frigoriferike” u konstatua dhe u bllokua sasia prej 2.5 ton peshk dhe karkaleca të ngrirë të degraduar nga kushtet e ruajtjes (ngrirje – shkrirje e produktit si dhe kushtet higjieno-sanitare jo konforme); gjithashtu subjekti nuk dispononte dokumentacionin e duhur për gjurmueshmërinë e produktit.
Për sa më sipër ndaj subjektit u morën masa administrative me gjobë, 500.000 lekë si dhe bllokim i produktit deri në asgjësim.
