KQZ ende nuk ka një vendim për përmbajtjen e fletës së votimit, nëse kandidatët për deputetë do të identifikohen me emra apo me numra.
Prej tre ditësh vazhdon diskutimi për variantin përfundimtar që zgjedhësit do të përdorin. Në mbledhjen e thirrur nga Komisioneri Shtetëror Ilirjan Celibashi ka pasur debate mes përfaqësuesve politike.
Socialistët këmbëngulin te fleta e votimit me numër, pasi sipas tyre e bën më thjeshtë leximin nga votuesi, ndërsa demokratet të mbështetur edhe nga shumica e partive të tjera, kërkojnë identifikimin e kandidaturave me emër.
Varianti i propozuar nga Ilirjan Celibashi, pasi Komisioni Rregullator shpalli moskopetencë, është ai i identifikimit me emra. Mbledhja pritet të rinisë në orën 16:00.
