Autoritetet spanjolle kanë njoftuar tërheqjen e urdhërarrestit ndërkombëtar për ish-presidentin katalanas Carles Piugdemont, si dhe për katër ish-ministrat e tij. Por, sipas mediave spanjolle, tërheqja e urdhërarrestit, nuk e përjashton mundësinë e përballjes së tyre me akuzat për rebelim ndaj shtetit. Piugdemont është udhëheqësi i referendumit për shkëputjen e Katalonjes nga Spanja, të mbajtur më 1 tetor, të cilin Madridi e shpalli antikushtetues. Një ditë më parë, Gjykata Spanjolle liroi me kusht gjashtë ministra katalanas.
