Laboratori i ushtrisë ka kthyer përgjigje zyrtare se nuk janë gjetur prani të lëndëve helmuese apo toksike në bulevardin “Dëshmorët e kombit”, gjate protestës së Partisë Demokratike ku u lënduan 140 simpatizantë. Kjo përgjigje e eksperteve të laboratorit të kimisë në ushtrinë shqiptare i është përcjell zyrtarisht këtë të premte Prokurorisë së Tiranës, e cila është angazhuar me hetimin e ngjarjes. Ndërkohë Prokuroria është ne pritje të ekspertizës së prozhektorëve të sekuestruar dhe përdorur gjatë mitingut për çeljen e fushatës së PD-se.