Ëndrra e tyre per te prekur Europen tani duket e largët, pasi se pari duhet te mendojnë per mbijetesën. Ky është nje nga kamionët, qe shpërndan ndihma per mijëra emigrante te bllokuar prej javësh ne kufirin mes Greqisë dhe Maqedonisë. Dhjetëra njerëz shtyhen ne përpjekje per te siguruar bukën e gojës dhe pak uje, per te mbajtur frymën gjalle. Uria dhe pasiguria per ate qe i pret ua kane sosur durimin. Jo pak here ditët e fundit u është dashur edhe te përleshen per ndihmat, qe jane te pamjaftueshme per te gjithë. Ne keto çadra ku depërton uji dhe balta, ne mes te te ftohtit, ne piken kufitare te Idomenit qindra familje emigrantesh ngrysin ditët, ne pritje te nje vendimi për hapjen e kufijve.
