Nis mbledhja e Bashës me kryetarët e Partisë Demokratike në rrethe.
Kryedemokrati, gjatë mbledhjes që po mbahet në selinë blu, u shpreh sërish se është në dispozicion të zgjidhjes së situatës ku ndodhet PD-ja.
Ai tha se partia ndodhet në këtë situatë prej vendimit që grupi ndërmori ndaj ish-kryeministrit Sali Berisha.
“Kam përsëritur para deputetëve atë që u kam thënë ju në takimin e fundit: jam në dispozicion të zgjidhjes. Zgjidhja është një proces. Këtu nuk ndodhemi prej gabimeve por për shkak të vendimit të 9 shtatorit. Grupi i qëndroi vendimit të 9 shtatorit. E kuptojmë se nuk kemi shans me një non grata. Ajo që na vlen sot është një diskutim me përgjegjësi I kolegjit të kryetarëve pasi ky kolegj mban peshën më të madhe. Sfida është si ti bëjmë bashkë këto 3 pjesë. 9 shtatorin nuk e zhbëjnë dot nëse nuk duam të zhbëjnë PD. Duhet të tregojmë mençuri të bashkojmë PD, që të arrijmë sukses elektoral. Situata është eksplozive dhe detyra jonë është të jemi 1 orë e më parë në shërbim të njerëzve. Unë në shërbim të zgjidhjes kam vënë në dispozicion gjithçka.”
