Sigurohet ilaçi për të sëmurët me leucemi

Një ditë pas denoncimit të Partisë Demokratike për mungesën prej tre muajsh të një medikamenti për kurimin e leucemisë, mjekët informuan kryetaren demokrate te Komisionit te Shëndetësisë Albana Vokshin se ilaçi ka mbërritur në spital. Gjatë një vizite tek pediatria e Tiranës, deputetja Vokshi tha se ky është një lajm i mirë. Më në fund sensibilizimi ynë bëri të mundur ardhjen e ilaçit tha deputetja, duke shtuar se; “nuk dimë çfarë tenderi është bërë e çfarë procedurash janë ndjekur, por ky është një lajm i mirë për prindërit e fëmijëve”. Deputetët demokratë që ishin të pranishëm gjatë kësaj vizite thane se do ta mbajnë nën vëzhgim situatën që të sigurohen se furnizimi nuk ishte vetëm për shou politik.