Zbokthi mund te shkaktohet nga nje sere arsyesh. Mund të vijë si rezultat i tharjes së skalpit apo nga sëmundje të ndryshme që mund ta prekin atë siç është dermatiti seborheik.
Zbokthi mund të shkaktohet edhe nga produktet e pasura me kimikate, ose nga shkaqe të brendshme siç janë sëmundjet e skalpit të kokës. Në raste të tjera lëkura e dëmtuar dhe kruajtja e kokës mund të shkaktohen nga psoriaza apo ekzema
Më poshtë janë disa mënyra të thjeshta se si të largoni zbokthin nga flokët tuaja.
Vaji i pemës së çajit
Shumë i njohur për aromën e tij të freskët e për vetitë në flokë e lëkurë. Një shampo e pasur me këtë vaj mund të ulë me 78% mikrobet dhe zbokthin në lëkurën tuaj. Mjafton të shtoni disa pika të këtij çaji në shampon tuaj dhe lajini si zakonisht.
Uthulla e mollës
Uthulla e mollës mesa duket është zgjidhja e shumë problemeve të organizmit dhe bukurisë. Kështu vepron edhe në eleminimin e zbokthit. Aciditeti tek uthulla ndryshon pehashin e lëkurës tuaj duke larguar zbokthin. Përzieni 50 ml uthull me 50 ml ujë dhe spërkasni flokët duke synuar rrënjët. Mbështillni kokën me një peshqir dhe lëreni uthullën të qëndrojë për 15 minuta deri në një orë, pastaj lani flokët si zakonisht. Bëjeni këtë proces dy herë në javë për të shpëtuar nga zbokthi.
Aloe vera
Një tjetër kurë natyrale për këtë problem do të ishtë aloe vera. Ajo është e pasura në vlera që e mbrojnë trupin në shumë forma. Ndaj pas dushit fërkoni skalpin me xhelin e aloe verës, lëreni të thahet për 30 minuta dhe më pas shpëlajeni.
