Modelja e njohur dhe bashkëshortja e këngëtarit John Legend ka shkruar një ese për revistën “Glamour” rreth depresionit postpartum, pra pas lindjes së Lunës, vajzës së saj 10 muajshe.
“Isha ndryshe nga herët e kaluara”, – shkruan modelja. “Pjesa e fundshpinës më dhembte, madje edhe kyçet po ashtu. Nuk kisha fare oreks. Mund të qëndroja 2 ditë pa ngrënë asnjë kafshatë dhe ju e dini, ushqimi është partneri im i përjetshëm”.
Më pas, ajo tregon: “Një gjë që më lëndonte ishte fakti që nuk kisha komunikim me njerëzit. Kur nuk isha në studio, qëndroja vetëm në shtëpi. Dua të them, as edhe një moment nuk isha jashtë shtëpisë. Madje pyesja njerëzit që vinin në shtëpi: “Bie shi jashtë? Është vapë? Nuk kisha nga ta dija”.
Chrissy tregon edhe se është këshilluar me mjekë për këtë gjendje dhe për të kuptuar se çfarë nuk shkonte me të. “Më erdhi në majë të hundës me këtë dhimbje… fjetja në kolltuk, zgjimi të mes të natës, lëvizja nga njëra dhomë në tjetrën pa pushim dhe duke keqkuptuar njerëzit”.
Gjatë vizitës te mjekët, Teigen kuptoi se po kalonte në një depresion postpartum (ose pas lindjes) dhe falë mjekimit arriti të merrte veten.
