Komisioneri Shtetëror i Zgjedhjeve, Ilirjan Celibashi shpjegoi procedurën që e bën të rregullt votimin më 25 prill.
Në studion e “Zgjedhje 2021” në “Vizion Plus”, Celibashi tregoi tre rastet e vetme kur vota e qytetarëve numërohet e vlefshme:
-Zgjedh partinë dhe njërit prej kandidatëve të asaj partie, bën shenjën “X” në kuadrat.
-Rasti kur ti voton vetëm partinë politike apo koalicionin, por nuk zgjedh asnjë kandidat.
-Rasti i tretë është kur ti zgjedh vetëm kandidatin, nuk zgjedh logon e partisë. Në këtë rast, edhe pse ke votuar vetëm për kandidatin, vota shkon edhe për partinë.
“Duhet të fiksojnë të gjithë votuesit që ka vetëm tre mënyra për të votuar. Çdo mënyrë tjetër e bën të pavlefshme fletën e votimit”, tha Ilirjan Celibashi.
